جوا قلبي كلام كتير نفسي اقوله بس مش عارفة بجد من شدة حزني على اللي بيحصل في غزة ومن رد فعل العرب والمسلمين واللامبالاه اللى هما فيها كان نفسي اتكلم واطلع اللى جوايا واعترض على الوضع ده واقول احنا ازاي سكتين واحنا لينا اهل واطفال وشيوخ بيموت كل يوم حتى بعد ما اخدوا حريتهم وكسروا المعبر خرجوا مش لحقوا يفرحوا وقابلهم رد فعل حكومتنا المصونة بمنعهم من انهم يرجعوا لبيوتهم ويشوفوا حياتهم اللى اتحرموا منها ومنع حتى ان المساعدات توصل ليهم وياريت حد اتحرك واتبرع ليهم حتى للاكل للطفال كل اللى فالحين فيه يعملوا مدن سياحية لرجال الاعمال ومش مشكله الناس الفقرا والناس اللى بتموت في كل حته مش في غزة بس لاء واللى يفرسك اكتر ان المحروس نبي صاينه ونبي حارسه صرح انهم ياخدوا اكل ومساعدات من سوق رفح المصرية كتر خيره الراجل بيتعب والله بدل ما يسمحلهم انهم يروحوا بيتهم لاء بيسكتهم وبيرويهم قد ايه هو قلبه طيب انهم هياخدوا اكل من عندنا .. حسبنى الله ونعم الوكيل ربنا يورينا فيه يوم زي شعر راسه
اقول ايه واعيد ايه مهما قولنا ومهما عيدنا حال البلد هيفضل زي ما هوا
أول كلام
كلامنا عن شعب غزة
ما لوش طبعا مكان
فى اعلام الخيانه
وصوت الامريكان
لان الامن شايف
بان الأخ خايف
ليلزق على الشفايف
ويلبس فى الودان
كلام عن الخيانه
ومن عالم جعانه
فتظهر الادانه على الشاه اللى خان
ادانه يعنى ثوره ما تقبلش المناوره
وفضح وكشف عوره واخر بهدلان
فليه الامن يرضى يبحبح للمعارضه
دى عالم يابا مرضى واغلبهم جعان
وهكذا الطريقه طناش على الحقيقه
فتبقى الناس غريقه وتسمع شقلبان
لهذا او لذلك حنمشى فى المسالك
ونطلع م الزمالك نخش الترجمان
وكلمتنا نقولوها حليب من بز أبوها
فناسنا يسمعوها فيحصل بغبغان
فهات ودنك يا خلي
اقولك وانت قوللي
وسيبك م اللي واللي
ونحكى عن شعب غزة
ده قصيدة للشاعر / احمد فؤاد نجم كان كتبها لايران وانا عدلت فيها وخليتها لغزة يارب تعجبكم وتقدر توصف الحالة
كلنا نتعاون ونكون ايد واحدة لرفع الظلم عن اهلنا في غزة ياريت