هو الواحد لما يكون حساس زيادة عن اللزوم ودمعته قريبة أوي
وبياخد كل حاجة على أعصابه ومن أقل حاجة تلاقيه زعل وعنيه دمعت
تفتكروا الواحد ده ممكن يقدر يغير الحاجات ده أو يقدر يمحيها من طباعه خالص؟
ولا يخليها والناس تقول عليه ضعيف الشخصية ولا عقله صغير ؟
مع إن هو مالهوش ذنب خالص إن الحاجات ده موجودة فيه ، كل الموضوع إنو قلبه
أبيض خالص ورقيق وحساس جداً ومش بيعرف يزعل من حد بس بيصعب عليه نفسوا أوي
لما يفضل يدي وميلقيش مقابل او يحس إن كل الناس بتفكر فيه وبيهتموا بيه وفجأة يكتشف إن كل ده في الهوا
وإنو بيرجع في الاخر يلاقي نفسه لوحده في الطريق لا عارف يرجع ولا عارف يكمل لوحده ؟
كل اللى كان بيطلبه أنو ميحسش إنو لوحده ويحس إن فيه حد مشاركة في كل حاجة مهما كانت صغيرة وتافهة
حد يقولي أعمل إيه عشان مكنش ضعيفة ولا عقلي صغير ؟
وإزاي أحبس دموعي عشان محدش يزعل مني؟
تفتكروا ده نقص ولا قلة حنية ولا قلة إهتمام وحب ؟
ولا ده طبع وحش ولازم يتغير ولا طبع حلو وميزة فيا ؟
ــــــــــــــــــــــــــــــــــ
ياريت محدش يزعل إني مش برد على التعليقات أو إني مش بدخل أكتب حاجة في المدونة بس والله غصب عني الايام ده أنا مش مظبوطة خالص بجد ياريت أي حد بيدخل عندي يسمحني ويعذورني وبقول لكل اللى علقوا على أخر بوست بجد مبسوطة أوي من كلامكم وبقولكم شكراً أوي على نصايحكم ليا وياريت متزعلوش عشان معرفتش أرد على التعليقات
11 قول رأيك بصراحة:
دلوقتى الساعة 9 27 دقيقة
شهر ابريل سنة 2008
الطبع دة وحش اوى دلوقتى
كل واحد شايل شنطتة ورايح لحتة هو مش عارفها
ولا حد عارفها
ومحدش بيقول لحد ممكن اساعدك واشيل معاك شنطتك
ولا حد بيقول لحد ممكن تساعدى
وكون محدش بيساعد حد
معدتش بتتحط تحت بند مشكلة
بقت شى عادى
معلشى هنعمل ايه هيه دى الدنيا وهوه دا زمنا , وبالنسبة للتعليقات ياستى مش مشكلة بس ابقى طمنينا عليكى يعنى من ان لأخر
المشكلة مش فيكى
فى الى حواليكى يا منى
بس لازم تبقى اقوى عشانك
اتعلمى تبقى مع الى يستاهل ومتديش حد اكتر من حجمه عشان انتى الى هتتعبى فى الاخر
ربنا معاكى
على فكره
مش انتي بس
سعات كتير بحس الاحساس ده
و فعلا بيتعبني قوي
بصي
كبري
بجد
و متبعديش بقا و تخلي نفسك كده
هستناكي
زيزي
خليكى زى مانتى
كان رسول الله صلى الله عليه وسلم يدعوا الله فيقول
اللهم انى اعوذ بك من عين لا تدمع
وقلب لا يخشع ودعاء لايستجاب له
الناس الى بتنقد رقتك ودمعك دول قلوبهم قاسيه ومتصورين ان دى هى مبادىء الشخصيه القويه
وده مفهوم غلط
لان قوة الشخصيه ابدا لا تنافى رقه الاحساس والطيبه والشفافيه
لو كانت الموضوة انهارده الجديه الشديده والقسوة المصتنعه والبلاده
فانا اعتقد انها هتتغير بتغير الموضه
كما تتغير موضه الملابس
ويبقى الاصل فى الاشياء
لم نسمع ان الحب اصبح موضه قديمه
مع ظهور الصحبيه والانتمه..والكابلز..والصدقات
لكن الحب فضل فى برجه لا يتحرك والكل يلجاء اليه كلما ضاقت به السب
ابقى كما انتى ياسيدتى
فانت عمله نادر جدا
نعم لم تعد متدوله بكثره لكنها قيمه جدا جدا فهى قيمتها اكبر بكثير مما هو مكتوب عليها
تحياتى
مش هاخد بكلامك ده خالصصص
و هدايق جداا طبعا و مش هسامحك
لو مرجعتيش و كتبتي تاني و تنورينا و تجيلنا
قومي بقا فوقي
كل سنه و انتي طيبه
و مستنياكي
زيزي
فينك؟؟؟؟؟؟؟؟؟؟؟؟؟؟؟؟؟
أنا زيك بالظبط
حساسه جدا
ودموعي قريبه جدا
وأي حاجه تزعلني جامد
والحنان والحب يخلوني أسعد واحده في الدنيا ولايهمك
أرجعي لمدونتك ولأصحابك في العالم االإفتراضي حتلاقي كتير منهم بيحبك
كن صديقًا لاسمك الافقي
جربّه مع الاحياء والموتي
ودرّبه على النطق الصحيح برفقة الغرباء
واكتبه على احدى صخور الكهف
يا إسمي : سوف تكبر حين أكبر
سوف تحملني وأحملك
الغريب أخ الغريب
سنأخذ الانثى بحرف العلة المنذور
للنايات
يا إسمي : أين نحن الان ؟
قل : ما الان ، ما الغد ؟
ما الزمان وما المكان ؟
وما القديم وما الجديد ؟
سنكون يومًا ما نريد
لا الرحلة ابتدأت ، ولا الدرب انتهى
لم يبلغ الحكماء غربتهم
كما لم يبلغ الغرباء حكمتهم
ولم نعرف من الازهار غير شقائق النعمان
من جدارية محمود درويش
---------
همسة : هنا أناس تحبك لا تزيدي الغياب عليهم
السلام عليكوا الاول علشان انا اول مره ادخل هنا
اولا : عاجبنى اوى البوست ده
والمدونه كلها خطيره فعلا
ثانيا: انتى كده المفروض تحمدى ربنا انه انعم عليكى بنعمه الطيبه لان الطيبين شويه جدا اما بقه بالنسبه للاحساس السلبى اللى انتى حاسه ده المفروض ما تحسهوش
لان انتى صح علشان انتى كده بتعاملى ربنا مش بتعملى العبد
وفى حاجه بتقول اسعى يا عبد وانا اعينك
ربنا يسعدك يا رب
.
.
دام قلمك وسحرك المميز فى هذا الصرح العظيم
كونى بخير
.
.
.
.
.
انا مررت من هنا
لقد مررت من هنا
Post a Comment